на дзіцячым малюнку сонца
бераг рэчкі
масток руды
не сьпяшайся зацяты
пастой жа
нахіліся да сіняй вады
на дзіцячым малюнку ранак
негараных гадоў выток
гэтага небакраю карунак
гэты чысты-празрысты глыток
халадок абуджзньня і ветрык
хвалі шолах і ціша лісьця
абяцаюць дзень сьветлы і ветлы
абяцаюць зьдзіўленьня працяг
можа злучыш ізноў
можа зьвяжаш?
хай адступіцца клопат тупы
калі раніцу ты не заўважыш
можа дзень і не наступіць