Хто крышкай ляснуў,
хто кніжкай шаснуў
па партах-сьпінах,
ірвецца клас наш,
імчыцца клас наш
на перапынак.
Мільгаюць пінжакі,
мільгаюць касьнікі
як пасьля старту.
А гэта хто такі,
задумлівы так
сядзіць за партай?
Гэта наш выдатнік Федзя
ні на кім вярхом не едзе,
не ляціць з падскокам,
не страляе, не сьпявае,
перапынкам пасьпявае
паўтарыць урокі.
Хто крышкай ляснуў,
хто кніжкай шаснуў
па партах-сьпінах,
ірвецца клас наш,
імчыцца клас наш
на перапынак.
Мільгаюць пінжакі,
мільгаюць касьнікі
як пасьля старту.
А гэта хто такі,
разгублены такі
сядзіць за партай?
Гэта “троечнік” Валера
не зрывае з петляў дзьверы,
не ляціць з падскокам,
не страляе, не сьпявае,
перапынкам пасьпявае
вывучыць урокі.