не ведаю чаму
якая сувязь тут?
адно што таргавацца бескарысна
самой зімы базар
нявызнаны маршрут
пах самай Грузіі ружовы ды бязьлісты
грашовы шал і тлум
гайня нібы гульня
і нават чысьціня
і нават перавага
бязьлітасная цьвіль і плёну і гальля
і шапкаю маланка шаравая
не цьвеляцца
не цямяць
не растуць
на полюсах пагарды і абразы
не ведаю чаму
якая сувязь тут? –
тым больш народ грузінскі мне прыязны
бо недзе град
бо недзе землятрус –
недасканаласць цісьне грудзі Грузій
народ заўсёды мае грэху груз
ад тых дзяцей
якія ім таргуюць