БЕЛАРУСКАЯ ПАЛІЧКА

Барыс Жанчак

"Неяк мне казаў адзін старэчы..."

неяк мне казаў адзін старэчы

(вёска наша ўся зь яго садамі):

колькі мыю рукі ў гэтай рэчцы

а вада ўсё тая ж маладая

так жа сьнег іскрыцца пад лапатай

так жа яблык сьвеціцца пад сонцам

і ў душы заўсёды гэта сьвята

што жыццё плыве-плыве бясконца

1990-1993?

---

Тэкст падаецца паводле выдання: Жанчак Б. Некалі потым: вершы / Барыс Жанчак. - Мінск : Мастацкая літаратура, 1993. - 174, [1] с.
Крыніца: электронны рукапіс