Дзень лагодны,
дзень пагодны!
Рой сьняжынак навагодні.
Вакол елкі звераняты
ладзяць гульні,
ладзяць сьвята.
Дружна водзяць карагод –
сустракаюць Новы Год.
Вунь мядзведзік Дзед Мароз
пад яліну ў сьнег урос.
Ваўчанё Сьнягуркі ўборы
прымярае – сьмех ды й гора.
На касога зайку ліска –
коса глянуць?
Ані блізка.
І казуля, і сахаты
завіталі як дахаты.
Папаселі на гучкі
барсучкі і хамячкі.
На вяршаліне ўгары
ліхтарамі сьнегіры.
А на самай на макушцы
зьзяе сонейка жар-птушкай.
Дзень паголны,
дзень лагодны,
рой сьняжынак карагодны.
Новы Год гуляць у лесе
радасна і весела!