ніякіх ваганьняў
(дыханьняў, мільганьняў)
у белага сьвеце
(ні ў клеці, ні ў квецені)
не сьціснуты пэўнасьцю
(пільнасьцю-сьпеўнасьцю)
дзе шар дапушчэньняў
(згушчэньняў-зрашчэньняў)
ты ёсьць шматпраграмнік
(не вой, не выгнаньнік)
зірні: пераходзіць яно
з бурачковага ў бэзавы
і сімвал-чаўнок
супроць плыні гарэзаю
дзе подых навук
выгінаецца ветразем
як скрыпку Янук
кране смыкам-вектарам
праскочыш пары звон
калі праяўляецца
той страх гэта рызыка
роснаю раніцай
ты яшчэ не згубіўся
яшчэ прадчуваеш
ты яшчэ не забіты
пашанай-чынамі
ты паперадзе чыну
як лістота за ветрам
як пад куляй дзічына
як над хмаркаю ветах