пазірні:
і праўда
хто “за песьнямі”
быў пасланым у краі нявысьненыя
для таго гады былі закрэсьлены
(можа, болей слушна – выкрасьленыя?)
абціналі пэўна што не гоячы
абцугамі голаду жыгаючы
хто стаіўся ў верадзе і горычы
той зьбірае векі дажываючы
той у нашай памяці ўваскрэсьне
гэты – на жыцьця высокай высьпе
для каго гады былі закрэсьленя
ну а для каго і праўда –
выкрасьленыя