Янка, Стась і Петручок
маюць лёску і кручок.
На раку прастуюць шыбка:
рыбакоў чакае рыбка.
Вось хлапцы і на рацэ,
Петрык з вудай у руцэ.
Паплавок дрыжыць-трасецца,
пэўна рыбка тут пасецца.
Не злавілі печкура,
бо дадому йсьці пара.
Не злавілі хітрай плоткі –
плаваць кінуліся з лодкі.
Не злавілі шчупака –
далі з рэчкі драпака.
Месяц выплыў круглым сомам –
сьпяць даўно малыя дома.