Тата вечарам вярнуўся
да Міколкі да Януся.
Хлопцы пачынаюць спрос:
“Што нам з гораду прывёз?”
“Вёз вам татка падарункі:
пераводныя малюнкі,
галыша, дзьве жменькі маку
і маленькага сабаку.
Паспыталі б маку дзеці –
ды падняўся раптам вецер,
зьмерзла лялька без сарочкі
і сабачка зьбег упрочкі.”
Ян сумеўся на хвілінку:
“А малюнкі? А карцінкі?”
“Былі б добрымі сыны!
А малюнкі?! Вось яны!”