Божы Сын праз такія дні
быў вярнуўся каб век табою
важыць гэтых вышынь агні
што бяруцца бяз бою
бо каторыя ваяры
спасьцігаючы жаху цемру
праз якія дні па кары
вымкнуць вечнага дрэва целам
ды вяртаюцца ўсе (амаль)
прычакаўшы такога Сьведку
хто пчаляр хто ткач хто каваль
хто з рукі акрыляў палеткі
засяляюць жывы прасьцяг
што здавён завецца Айчынай
гэтым часам і мы ў гасьцях
нам вяртацца падобным чынам
1983