epub
 
Падключыць
слоўнікі

Булат Акуджава

«Пра Валодзю Высоцкага рвалася песьня з душы...»

Уладзіміру Высоцкаму

 

Пра Валодзю Высоцкага рвалася песьня з душы.

Вось яшчэ аднаму не вярнуцца дадому з паходу...

Кажуць, быццам грашыў, быццам сьвечку ня ў час патушыў.

Як умеў, так і жыў, а бязгрэшных ня мае прырода.

 

Ненадоўга разлука, на міг, а затым чарадой

Адпраўляцца і нам па сьлядах па яго па гарачых...

Хай гучыць над Масквою ахрыплы яго барытон,

Ну а мы разам зь ім пасьмяемся і разам паплачам.

 

Пра Валодзю Высоцкага песьню пісаць я хацеў,

Але рукі дрыжэлі і зь вершам матыў не радніўся...

Белы бусел маскоўскі на белае неба ўзьляцеў,

Чорны бусел маскоўскі на чорную глебу спусьціўся...

 

1980



Пераклад: Міхась Булавацкі

Беларуская Палічка: http://knihi.com