epub
 
падключыць
слоўнікі

Хведар Жычка

"А думаеш, снег не ведае..."

А думаеш, снег не ведае,

што пераможа цяпло,

што не пакіне і следу ён,

сплыўшы ў балотнае тло?

 

І ўсё ж ён не згаджаецца

растаць і знікнуць за дзень,

у ямы і рвы апускаецца,

хаваецца моўчкі ў цень.

 

А ноччу марозу рады ён,

імкнецца зноў зацвярдзець,

каб праўдаю і няпраўдаю

прадоўжыць свой век хоць на дзень.

 

Ды песня даўно яго спетая,—

вунь сонца з-за лесу ўзышло.

 

...Думаеш, снег не ведае,

што пераможа цяпло?