epub
 
падключыць
слоўнікі

Хведар Жычка

Басовая струна

Ясным полымем пагляду

ці ж развееш пыхі дым?

Вечнае цярэбім ляда:

і гаворым без спагады,

і спагадліва маўчым.

 

Справы не ідуць за словам,

абяцанкі — неўпапад,

ды прамоўца адмысловы

на адной струне басовай

грае оперу-даклад.

 

Грае ўпэўнена, зацята —

жар юнацкі не астыў! —

ёсць для недруга — цытата,

а для брата ёсць парада

і шаблонны ёсць матыў.

 

Дзе мастацтва — там і плыні,

там і парасткам рунець.

Вопыт продкаў не загіне,

навучыў нас Паганіні

на адной іграць струне.