epub
 
падключыць
слоўнікі

Хведар Жычка

Бель

Белы поплаў, белы ўзгорак, белы лес.

Крутарогі маладзік на ліпу ўзлез,

 

на галінцы завушніцаю павіс,

пазірае, нібы скочыць хоча ўніз.

 

Белы світэр, белы ў інею каўнер.

Дзе ж ты, любая, знаходзішся цяпер?

 

Без цябе ў мяне на сэрцы — белы сум,

не магу я адагнаць трывожных дум.

 

Хто параіць, хто падкажа сёння мне,

як знайсці цябе ў такой вось белізне?