epub
 
падключыць
слоўнікі

Хведар Жычка

"Дай грыбоў мне!.."

Дай грыбоў мне,

дай арэхаў,

песню дай, асенні гай!

Жаўталессе сумным рэхам

адгукаецца:

— Бывай!..

 

Развітанне назаўсёды?

Ці не рана, беразняк?!.

Я ж табе сваіх рапсодый

не аддам вось так за так.

 

Не засохла шчэ ляшчына,

не замёрз ручэй — цячэ.

...Дзесь жыве адна жанчына

з сумам ласкавых вачэй.

 

Як ішоў я ў золь сінечы

без вятрыла і стырна,

не «бывай!», а «да сустрэчы!»

мне прамовіла яна.