Выхвалялася Сунклета,
з крамы ідучы:
— Прыпісалі мне дыету
мудрыя ўрачы.
Буду я ўжываць патрошку
тлушчу і бялкоў,
стануць стройныя зноў ножкі,
маладая кроў;
пасвяжэю,
пахудзею,
бровы падвяду
і ў наступную нядзелю
танцаваць пайду...
— Нечага ж во накупляла? —
дзівяцца жанкі.
— Мяса,
масла,
сыру,
сала,
цукру
і мукі,
здобных булачак,
пячэння,
пару піражкоў,
канфіцюру,
і варэння,
крыху ледзянцоў...
— Хто ж паесць табе ўсё гэта?
—Ты жывеш адна...
Усміхнулася Сунклета:
— Знішчу дацямна.
Апетыту і імпэту
Мне не пазычаць!
— А дыета?
— Праз дыету
што ж мне — галадаць?