Са школьных гадоў
усе мы ведаем
гэты размаляваны
ў сіняе, зялёнае і жоўтае
шар на драўлянай падстаўцы.
Сотні разоў бачылі яго,
насілі,
вярцелі,
паказвалі настаўнікам,
дзе — Атлантычны акіян,
дзе — Ціхі,
дзе — Азія,
дзе — Аўстралія;
па ім вывучалі геаграфію
і цяпер добра ведаем
гарады, якіх ніколі не бачылі,
уяўляем горы і пустыні,
стэп і тайгу,
выпукласць мора, якая сведчыць,
што наша планета мае форму шара.
Ды па сёння
толькі лічаныя людзі — касманаўты
бачылі Зямлю
круглую, як глобус.