epub
 
падключыць
слоўнікі

Хведар Жычка

Майскія ружы

На муаравай стужцы ночы,

як бронзавы медаль

параненага салдата,

захістаўся поўнік.

 

Гэта недзе

ў сухую асіну

ударыў пярун,

разбудзіўшы лябёдак

на сонным возеры.

 

Яны замахалі крыламі,

раздзьмухалі пажар

світальнай зары.

 

А ў бэзавым скверыку

закаханыя зліліся вуснамі,

і ў іх сэрцах

адначасова расквітнелі

дзве ружы:

белая

і чырвоная.