У дзень ад’езду на вучобу
наказ давалі мне бацькі:
«Запомні, сорам хлебаробу
не мець мазольнае рукі».
Гляджу на чыстыя далоні...
Чатыры ўжо гады прайшлі
жыцця студэнцкага.
Алоўкам
хіба ж нагоніш мазалі?!.
І мо таму мне гэтак рупіць
абмыцца ранішняй расой,
і мо таму так прагнуць рукі
узяць яловае кассё,
што ў дзень ад’езду на вучобу
наказ давалі мне бацькі:
«Запомні, сорам хлебаробу
не мець мазольнае рукі».
1954