epub
 
падключыць
слоўнікі

Хведар Жычка

"Не чакай спагады..."

Не чакай спагады,

не чакай падмогі,

не чакай загаду,

не чакай трывогі,

не чакай нагоды

і больш зручнага выпадку

зараз жа

ўпадзі на калені

перад матуляй-зямлёй

і скажы ёй «дзякуй!»

за дараванае табе жыццё.

Не чакай спагады,

не чакай падмогі,

не чакай загаду,

не чакай трывогі,

не чакай нагоды

і больш зручнага выпадку,—

зараз жа

захіні сваім целам

ад бяды

матулю-Зямлю!