epub
 
падключыць
слоўнікі

Хведар Жычка

Палявая дарога

Як на музейную рэдкасць

гляджу на палявую дарогу —

з вузкай каляінай ад калёс,

са слядамі конскіх капытоў...

 

Нарэшце я знайшоў той куток,

куды не дайшла яшчэ цывілізацыя!

 

Ды раптам

пачуў ззаду трэск матора,

азірнуўся:

матацыкл з каляскай

і двое ў шлемах —

едуць у грыбы,

бязлітасна мнучы жыта.

Двое ў шлемах:

ён і яна,

задаволеныя,

з усмешкамі дзікуноў.