Раўнадзенства — цуд цудоўны:
па паўсутак ноч і дзень;
як ні мерай — будуць роўны
стынь і сквар, святло і цень.
Раўнадзенства — раўнапраўе:
дзень жа — ён, а ноч — яна,
кожны з іх улады прагне
па паўсутак ля стырна.
Раўнадзенства — электрычнасць:
«плюс» і «мінус» — палюсы,
і прывычна і нязвычна
слухаць з бездані касмічнай
згоды іхняй галасы.
Роўна — вернасці і здрады,
роўна — зла і дабрыні...
Колькі ў творы грамаў праўды,
роўпа гэтулькі ж — хлусні.
І няма тут чарадзейства:
цвет адцвіў, паспее плод...
......................................
Дзякуй богу, раўнадзенства —
толькі два разы на год.