epub
 
падключыць
слоўнікі

Хведар Жычка

Тыдзень на дачы

Незаўважна праляцеў час

ад панядзелка да панядзелка.

Сем дзён,

за якія бог стварыў свет,

засяліў яго камарамі,

птушкамі,

звярамі,

чалавекам...

А што зрабіў я?

Дна дні слухаў шум дажджу за вокнамі,

калі ж распагодзілася,

падправіў разбітыя веснічкі,

абкапаў загончык бульбы,

бадзяўся па лесе,

думаў знайсці які грыб — не знайшоў,

сабраў на градзе спелыя трускалкі,

сам жа іх і з’еў,

ну напісаў яшчэ пару вершаў...

 

Але ж гэта — не свет,

бо і я — не бог.