epub
 
падключыць
слоўнікі

Хведар Жычка

Вось дык маладзіца!

Дарога маладзіцаю

Нас павяла ў раён...

...І — паненкаю мястэчка

Ў тэлефонных правадах!..

...Ты між сосен, як між цётак —

Незамужніх маладзіц.

 

Васіль Макарэвіч

Хто з кім хоча парадніцца —

раскумекай-адгадай!

Вунь дарога-маладзіца

уцякае ў цёмны гай:

 

— Надакучылі парадкам

мне залёты-гарады.

Абдымайце, клёны, грабы —

нежанатыя дзяды!

 

І няхай разносяць плёткі

правады ва ўсе канцы,—

як за пазухай у цёткі,

мне між вамі, выдаўцы!