epub
 
падключыць
слоўнікі

Хведар Жычка

"Зімой салодка спіцца..."

Зімой салодка спіцца

пад завірухі песню;

разбудзіць на грамніцы

капеж — напіцца пеўню.

 

Зірну на ўсход блакітны

і ў сонца маладога

я папрашу нібыта

не так ужо і многа:

 

каб май быў навальнічны,

і чэрвень — неспякотны,

а ліпень — касавічны,

а жнівень — абмалотны,

 

і верасень — насенны,

кастрычнік — хлебасольны,

а лістапад — вясельны,

і снежань — перазоўны.