epub
 
Падключыць
слоўнікі

Цішка Гартны

Бяздольны

Пасвячаю Янку Купалу

 

Цяжка жыць без долі,

Што рабіць — не знаю;

Хіба на свет выйду,

Долі пашукаю.

 

Выйду пад гаёчак,

Крыкну на ўсё поле:

Дзе так запрапала

Ты, без сэрца, доля?!

 

Можа, ты, зялёны

Родненькі гаёчак,

Схаваў маю долю

У цёмны вугалочак?

 

Эй, скажы, мой мілы,

Пашкадуй дзяціну,

Памажы ты гору,

Паймі сіраціну!

 

Дарма я пытаю:

Шуміць лес няміла...

Не пачула доля,

Эх, пачуй, магіла!..

 

Капыль, 1908




Крыніца: скан

Беларуская Палічка: http://knihi.com