epub
 
Падключыць
слоўнікі

Цішка Гартны

Будаванне

То не вецер у пушчы гудзе,

То не хвалі на моры бушуюць —

То грамады працоўных людзей

Сабе лепшую долю будуюць.

 

Ўкол руйнуюцца ўціску муры,

Ападаюць жалезныя краты;

Дні прыгонныя цяжкай пары

Адыходзяць у вечныя страты.

 

А слядамі Камуна ідзе,

Панаванне навекі будуе...

І жыццё, нібы пушча, гудзе,

І жыццё, нібы мора, бушуе.

 

Мінск, 12/VI-1921




Крыніца: скан

Беларуская Палічка: http://knihi.com