epub
 
Падключыць
слоўнікі

Цішка Гартны

Чырвоны сцяг

Чырвоны Сцяг гарыць агнём,

Яго абвеяў дымам порах,

Яго мы ў землю там ваткнём,

Дзе быў твой стан, паганы вораг.

 

Яго ваткнём пад гул гармат,

Пад гукі песні баявое,

Дзе працу сваю ладзіў кат,

Дзе землю меў крывёй людскою.

 

Чырвоны Сцяг ў агні, ў дыму

Нясе з сабой канец прыгону

І кару смерцяю таму,

Хто ўзвёў яго на чын закону;

 

На тых, што меч падняў на блік

Свабоды яркай, светлай волі,

Вядзе ён ў бой ваяцкі штык

Ў руцэ спрацованай, ў мазолях.

 

Паборы знак — Чырвоны Сцяг,

Ён рэе там, дзе дымны порах,

Яго трымацьмем мы ў руках,

Пакуль не згіне скрозь наш вораг.

 

Мінск, 1921




Крыніца: скан

Беларуская Палічка: http://knihi.com