epub
 
Падключыць
слоўнікі

Цішка Гартны

Да Нёмна

Эх ты, Нёман-рака!

Ці ты думаў, ці сніў,

Як слязу бедака

Ў свае воды лавіў;

Як стаяў над табой

Сын нядолі худы

І над цёмнай вадой

Спяваў песні нуды,—

Што надыдзе пара —

Знемажэнне міне,

Вызвалення пара

Над народам блісне?

Што з балючых грудзей

Беларусі дзяцей

Над табой загудзе

Песня вольных людзей?

 

Капыль, 1909




Крыніца: скан

Беларуская Палічка: http://knihi.com