epub
 
Падключыць
слоўнікі

Цішка Гартны

Да кляніны

Бедная клянінка,

Што ты пахмурнела,

Апусціла ралы,

Лісцем пажаўцела?

 

Запрапала зелень

Свежасці вясёлай,

І стаіш панура

Над халодным долам!

 

Эй, скажы, клянінка,

Скажы, дарагая,

Што цябе за гора

Губіць і знішчае?

 

Ці благія хмары

Цёмнай грамадою

Надламалі сэрца

Бураю ліхою?

 

Ці сухія ветры

Шырокага поля

Закавалі душу

Ў дзікую няволю?

 

Ці маланкі з громам

Цябе разабілі,

Ці благія рукі

Корань падрубілі?

 

Ці сама ты з тугі,

Бедная клянінка,

Без віны завяла

Ў жыцці сірацінкай?

 

Ты скажы, клянінка,

Што ты пахмурнела,

Апусціла ралы,

Лісцем пажаўцела?

 

1912




Крыніца: скан

Беларуская Палічка: http://knihi.com