epub
 
Падключыць
слоўнікі

Цішка Гартны

Да надзеі

Не пакінь ты, надзея, мяне,

На адну не пакінь ты хвіліну,

Дай глыбокаю вераю мне

У васкросшую верыць краіну.

 

Напаі маю душу віном

Нестрыманай яскравай свабоды

І кажы мне галосна аб том,

Што заззяе яна для народа,

 

Які сілай панурлівых дней

З непрыветнаю доляй звянчаны...

Пей жа песні, надзея, мне, пей

Аб васкросшай краіне каханай!

Капыль, 1912




Крыніца: скан

Беларуская Палічка: http://knihi.com