epub
 
Падключыць
слоўнікі

Цішка Гартны

Дзяўчыне-таварышу...

Я, як друга, цябе пакахаў

І таварыша маю ў табе,

Бо ў любоў да цябе я ўліваў

Свой гарачы прызыў к барацьбе.

 

Я у думках гарачых гадаў

Аб нядолі краіны свае,

І цябе я каханым прызваў

Са мной жыцце аддаць за яе.

 

Вось, дзяўчынка, ты любка мая,

Будзь таварышам вечна ты мне,

І хай праца з маёю твая

Йдзе на шчасце маёй старане.

 

1912




Крыніца: скан

Беларуская Палічка: http://knihi.com