epub
 
Падключыць
слоўнікі

Цішка Гартны

Я далёка...

Я далёка цяпер ад цябе,

Я далёка, далёка — ў чужыне;

І так сэрца няшчаснае стыне,

Што далёка цяпер ад цябе!

 

Я няведамай сіле падданы,

Ля таго неразлучны з табой,

І жыву я табою душой,

Ўсё няведамай сіле падданы.

 

Нібы ветрык паважна шуміць

І на волю з сабой завабляе...

Вобраз твой прада мной вырастае

І гавора, як ветрык шуміць.

 

А хоць сэрца пытае падчас:

Ці не кіне той ветрык шумеці,

Ці захочаш мяне мілым меці,

Верна сэрца пытае падчас,—

 

Я стараюся думаць адно,

Што няведамай сіле падданы:

Мы з табою навекі звянчаны...

Я стараюся думаць адно.

 

1912




Крыніца: скан

Беларуская Палічка: http://knihi.com