Над светам рэе Сцяг Чырвоны,
Вакол ўздымаючы паўстанне
Супроць вяковага прыгону,
Супроць няволі панавання.
Пакорны раб ўстае да бою,
Рвучы вакол свае аковы,
І ўжо вітае над зямлёю
Жыцця уклад свабодны, новы.
Глыбокай ночы гінуць стоны,
І свет стары пры тым канае.
А Сцяг паборы, Сцяг Чырвоны,
Дарогу новаму ўбірае.
Настрэчу ж, гэй, яго прыходу
Нясеце шчырае вітанне,
Няхай вакола за свабоду
Расце кіпучае паўстанне!
Мінск, 1921