Я хацеў бы непакорным
Ветрам вольным ў полі стаці,
Каб па галы па прасторным
Безупынна дзьмуць-лятаці.
З верху к долу, з краю к краю
Мерыць шыры хуткім лётам;
Не спыняцца перад плотам,
Не зварочваць перад гаем.
Ад зямлі да сіняй высі
З гудам зычным паднімацца —
Дзе прашкоды асталіся —
Ўшчэнт ламаць і далей мчацца.
Я хацеў бы ветрам быці,
Каб з няволяю расстацца,
Каб ў свабодным шчасным жыцці
Незалежнасцю ўпівацца.
Вількамір, 1913