epub
 
Падключыць
слоўнікі

Цішка Гартны

Сэрцу волю!

Сэрца ў грудзях б’ецца,

Нібы выйсці хоча;

Нудна яму ў клетцы

Цёмнай, як цень ночы.

 

Сэрца свету хоча,

Яму волі трэба,

Песень, шчасця, красак,

Шырокага неба.

 

Сэрцу цяжка стала

Скутаму трасціся,

І ад ран з кайданаў

Болі разрасліся.

 

Дык хоць адну каплю

Волі яму дайце,

Вылецець гуляці,

Эх, не прашкаджайце.

 

Хутка адапрыце

Пад замкамі дзверы,

Каб яно не ўмерла

Ў муках тых без веры...

 

1912




Крыніца: скан

Беларуская Палічка: http://knihi.com