epub
 
Падключыць
слоўнікі

Цішка Гартны

Заваёвы

(На выстаўцы)

 

Адзін ля другога —

Ў рады павільёны —

І іскрамі ў сэрца

Ўдараюць аншлагі,

Будоўлі вялікай,

Будоўлі развойнай

Вяшчаюць паспехі

Чырвоныя сцягі.

 

На цвёрдым падмуры

Калгаснага руху

Узростае буйная

Скрозь гаспадарка;

Мінулыя з’явы —

Іх вецер раздзьмухаў,

Ім песню адходжую

Воран адкаркаў.

 

Разгорнутым строем,

Сустрэчнасцю планаў

Ўсё вышай ды вышай

Растуць дасягненні.

Іх зрокам празрыстым

Увечар і ўранне

Аглядае мудра

Важаты наш

Ленін.

 

Указна рукою

Ён шлях адмячае:

Наперад!

Наперад!

З ваёўным задорам!

Разворвайце межы,—

Хай трактар ступае,

Распальвайце

Працы натхнення

Горан...

 

Адзін ля другога

Ў рады павільёны

У высі кідаюць

Жывыя імкненні...

Мы чуем твой голас

Прызыўны,

Кіроўны,

Наш мудры настаўнік,

Важаты наш —

Ленін!

 

Мінск, 12/ІХ-1930




Крыніца: скан

Беларуская Палічка: http://knihi.com