Уніз,
Уніз,
Уніз
Золатам, меддзю кідаюцца,
З клёну майго асыпаюцца,
Галоўкамі долу куляюцца.
За рукі і ногі чапляюцца,
Сняжынкамі прытвараюцца
Асеннія лісточкі.
У паветры імглістым лятаюць,
Як матылькі, мільгаюць,
Шамацяць, усміхаюцца,
Кудысьці, чагосьці спяшаюцца,
Кужляюць пад павеццю
У яркім асеннім букеце
Кляновыя лісточкі.
Бяжыце за імі, лавіце,
Бяжыце хутчэй ды лавіце
Матылёчкі з лісточкаў,
Ветразі з лісточкаў.
Але ж ці спаймаеце?
Хапайце,
Складайце,
Раўняйце,
Гуляйце,
Скок!
Скок!
Скок!
Ці бачыў ты кіску,
Што залезла ў калыску?
Кіска, якую я бачыў,
Не сядзіць на дачы.
Яна па дрэвах скача,
Ніколі не плача,
Клубочкам лятае,
За ногі хапае,
Мурлыча, вачамі косіць -
Прысмакаў просіць.