epub
 
падключыць
слоўнікі

Гальяш Леўчык

«Каб усе так слёзы нашага народа...»

Каб усе так слёзы нашага народа

Раптам сабраліся ў дажджавую воду,

То такім бы ліўнем хлынулі, плылі,

Што другі патоп зноў быў бы на зямлі:

Сорак дзён і ночаў дождж тагды ўсё ліў бы,

Цэлы свет вадою зноў ён затапіў бы!

 

Каб усю так крыўду беднай Беларусі,

Стогны, боль, загубу (зносіць што ў прымусе),

Жальбы ўсе і гора сонцу паказаць,

То ад грому неба стала бы дрыжаць,

З перуноў-маланак хутка бы аглухла,

Ад пракляцця ж сонца яснае патухла!..

 

1908

 


1908

Тэкст падаецца паводле выдання: невядомае
Крыніца: невядомая