epub
 
падключыць
слоўнікі

Ганна Ахматава

Ад кветак, рэчаў нежывых...

Ад кветак, рэчаў нежывых

Прыемны пах у гэтым доме.

Вясёлкай колераў усіх –

Гародніна на чарназёме.

 

Яшчэ бруіцца халадок,

Але парнік рагожы скінуў,

Ёсць там ставок, такі ставок,

Дзе на парчу падобна ціна.

 

Адкрыў мне тайну хлопчык раз

Усхвалявана дужа й ціха,

Што там агромісты карась

Жыве з вялізнай карасіхай.



Пераклад: Пятро Макарэвіч