epub
 
Падключыць
слоўнікі

Ганна Ахматава

Чытаючы «Гамлета»

1

 

Ля магілаў направа - пустэча ды пыл,

А за імі - блакіт ракі.

Ён сказаў мне: «Ну што ж, ідзі ў манастыр,

Альбо дурня вазьмі ў мужыкі...»

Прынцы толькі такое і кажуць заўжды.

Мне размовы тае не забыць -

Хай стагоддзі з рамёнаў яна, нібы

Гарнастаевы плашч, струмяніць.

 

2

 

І нібыта памыліўшысь,

«Ты...» - сказала я.

Ценем ўсьмешкі асьвяціўся

Твар твой спакваля.

Кожны запалае позірк

Ад абмовак тых...

Я люблю цябе, як сорак

Сёстраў дарагіх.



Пераклад: Тацяна Папова

Беларуская Палічка: http://knihi.com