epub
 
Падключыць
слоўнікі

Ганна Ахматава

«І хлопчык, што іграе на валынцы...»

І хлопчык, што іграе на валынцы,

І дзеўчанё, што свой пляце вянок,

Крыж-накрыж сцежка ў лесе на сцяжынцы,

Агонь далёкі, быццам светлячок, —

 

Мне ўсё відаць. Я ўсё запамінаю,

Любоўна-ціха ў сэрцы берагу.

Ніколі толькі аднаго не знаю

І ўспомніць нават болей не магу.

 

Я не прашу ні мудрасці, ні сілы.

Прашу, каб ваш агонь сагрэць памог!

Мне холадна... Крылаты і бяскрылы

Не прыйдзе да мяне вясёлы бог.

 

30 лістапада 1911



Пераклад: Валянцін Рабкевіч

Беларуская Палічка: http://knihi.com