epub
 
Падключыць
слоўнікі

Ганна Ахматава

«Столькі просьбаў ў каханай заўжды...»

Столькі просьбаў ў каханай заўжды -

І ніводнай няма ў разьлюбёнай.

Як я рада, што хвалі вады

Ўтаймаваў тонкі лёд бескалёрны.

 

Стану я - Хрысьце, мне памажы! -

На таненькія, крохкія льдзіны,

Ты лісты мае ўсе сьберажы,

Каб нашчадкі пасьля рассудзілі.

 

Каб з выразнасьцю ды паўнатой

Твая мудрасьць ды сьмеласьць паўстала.

Ў біяграфіі слаўнай тваёй

Хіба можна пакінуць прагалы?

 

Засалодкае сьвету пітво

Ды зашчыльныя сеці каханьня.

Хай жа ж некалі жыцьце маё

Стане дзецям цікавым чытаньнем.

 

Хто пра сумны той лёс прачытаў -

Хай сабе усьміхнецца зь хітротай.

Мне каханьня й спакою ня даў -

Дай спатоліцца славы гаркотай.



Пераклад: Тацяна Папова

Беларуская Палічка: http://knihi.com