epub
 
Падключыць
слоўнікі

Ігар Севяранін

Як добра...

Як радасна, што зноў успыхне квецень,

Успыхнуць краскі з новаю вясной!

Як хораша, што ты жывеш на свеце:

Прыгожы свет прысутнасцю тваёй!

 

Як добра, што ў агульным шуме веснім

Блакітны голас наймілейшы твой,

Што, паміраючы, яшчэ ўваскрэс я

І перад смерцю ўбачыўся з табой!

 

1928



Пераклад: Васіль Жуковіч

Беларуская Палічка: http://knihi.com