Пішу раман пра час вялікага пералому на Палессі. Гэта будзе другая кніга маёй «Палескай хронікі».
У ёй мне хочацца расказаць, які складаны, цяжкі і вялікі быў шлях нашых людзей да сённяшняга дня. Героі мае — простыя людзі звычайнай палескай вёскі. Я хачу паказаць, як моцна звязана жыццё гэтых людзей паміж сабою і з вялікім жыццём савецкага свету, што ўсё больш змяняе жыццё і душы людзей Палескага краю.
Хачу напісаць кнігу ў поўным сэнсе народную, кнігу, якая славіла б народ, яго падзвіг, была прасякнута вялікай павагай да яго.
1963