epub
 
падключыць
слоўнікі

Якуб Колас

Беларусі пад Польшчай

Да 10-й гадавіны Савецкай Беларусі

 

 

Спраўляем свята мы тут сёння,

Свята з свят,

На новы лад.

А ты, край любы Наднямоння,

Родны брат,

Чаму не рад?

Чаму глядзіш, як пастаронні?

Між намі цёмнае прадонне...

Вядзе тут рэй свае дзяржавы

Грамадой

Працоўных рой,

А ты пад пятамі Варшавы

Маладой

З бядой-нудой

Ушчункі зносіш і расправы

І цягнеш той жа лёс іржавы...

Атрускі, друз сярэднявечча —

Пробашч, пан,

Шляхецкі стан

Узлеглі, душаць табе плечы...

Чад, туман —

Ксяндзоўскі зман, —

Якая прыкрасць і пустэча!..

Прыходзь жа, брат, на наша веча!

 

21/ХІІ 1928


21.12.1928

Тэкст падаецца паводле выдання: Колас, Я. Збор твораў: у 20 т. Т. 2 : Вершы 1911―1938