epub
 
падключыць
слоўнікі

Якуб Колас

«Дарагое імя – казка дзён былых...»

Дарагое імя —

Казка дзён былых,

Але знік, бы ў дыме,

Золак мар пустых.

 

Адцвілі, адззялі

Зоры летніх дзён,

І акордам жалю

Мне звініць іх звон.

Думкі насланыя

Навявалі сны,

Мары зазыўныя,

Поўныя маны.

 

Не пазнаў я зману

Звадлівых вачэй,

А таму і раны

Чуюцца вастрэй.

 

Я ключа шукаю

Ад чужой душы,

А таму й блукаю

Як сляпы ў глушы.

 

Развітайся ж з казкай!

Кажа мне глуш-ціш,

Над няшчырай ласкай

Час паставіць крыж.

 

6/ХІІ 1932


06.12.1932

Тэкст падаецца паводле выдання: Колас, Я. Збор твораў: у 20 т. Т. 2 : Вершы 1911―1938