Гонар нашаму народу,
Радасць беларускім хатам:
Першы маршал даў нам згоду,
Каб быць нашым дэпутатам.
У парыве шчырым, дружным
Падтрымаем мы ўсе Кліма,
І пашанаю акружым
Цябе, маршал наш любімы.
На моц нашу, абарону,
Папрацуем мы багата
І для Арміі Чырвонай
Стол накрыем, як у свята.
Скажаш – і пад сцяг паходны
Непарушнай станем сілай.
Дык жыві ж ты, Клім наш родны,
Слаўны маршал Варашылаў!
Гонар нашаму народу,
Радасць нашым сёлам, хатам:
Першы маршал даў нам згоду,
Будзе нашым дэпутатам.
10/ХІ 1937