epub
 
падключыць
слоўнікі

Якуб Колас

"Дзе б ні быў я, што б ні думаў..."

* * *

 

Дзе б ні быў я, што б ні думаў, –

Ты ўсюды са мною

І мне свеціш у тэй цемры

Яснаю зарою;

 

А ў часіны злой нядолі

Смутак разганяеш,

Тугу, гора і журботу

Ты мне сунімаеш.

 

Толькі ж леглі паміж намі

Берагі крутыя,

Нам пуцінкі завалілі

Камяні ліхія...

 

Згодна ў полі ўдоўж дарогі

Каляінкі ўюцца,

Ды ніколі між сабою

Яны не сальюцца.

 

[1910]


[1910]

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910