epub
 
падключыць
слоўнікі

Якуб Колас

"Гусцее над стомленым светам імгла..."

* * *

 

Гусцее над стомленым светам імгла,

І тленню старэчаю вее.

Адна толькі наша краіна-скала

У іскрах світання ірдзее.

 

У ясныя далі сталёвай рукой

Вядзе яе сталінскі геній,

Праз буры народам прыносіць спакой

І новага свету праменні.

 

  *

 

Крывавай пенай плешча мора,

        Зямля палошчацца ў агні,

І толькі нам ты, ясназоры,

Разумнай працы дарыш дні.

 

Няхай жа дзень наш златакудры

Атуліць землю з краю ў край.

Жыві шчасліва, Сталін мудры,

І ясным сонцам людзям ззяй!

 

9/ІХ 1939


09.09.1939

Тэкст падаецца паводле выдання: Якуб Колас. Т. 3 : Вершы, 1939―1945